Archives for posts with tag: mans

Calk-Art-by-David-Zinn-14

clic para descubrir máis imaxes



che collín da man

polos rueiros da primavera na cidade

nin peitei os teus cabelos, nin nos miramos no fío da lúa

dende a vila

gabeando pola ponte de Rande

con todo o ceo para nós, antes de morrer co día.

Sermos neve e friaxe

até o intre no que a terra se sosteña de novo

coa chegada da flor e da semente

no sixilo dun beixo preso

no que latexa o berro ceibe do rousinol.

O miúdo está nalgures

hei atopalo

hei de espertalo.

o mundo

coa lingua de mel

e a friaxe da tesoira,

até secuestrar os arrolos e os berros,

que nos quede só, falar coa pel.

Pousar

as vogais das estrelas

con tres beixos nas meixelas

entre os lóstregos dos cabelos salvaxes

ceibes coa forza do vento,

e as mans, de primeiras apoucadas,

que lle din sen voz,

ao dono do tempo

que maila que sexa un instante

son

nun verso

mudas verbas que cantan

até quedares durmidas

collidas doutras mans

que falan,

coa mesma voz

ao mesmo son.